• वि सं २०१६ सालमा कारखाना तथा कारखानामा काम गर्ने कामदार सम्बन्धी ऐन बमोजिम वि सं २०२६ मा कारखाना निरीक्षकको कार्यालय स्वरुप स्थापना भएको
• वि सं २०३० सालमा श्रम कार्यालय, बागमती अञ्चलको रुपमा स्थापना भएको

श्रम ऐन, २०७४ तथा नियमावली २०७५ ले निर्दिष्ट गरेको नियम, निति, निर्देशन समेतको कार्यसम्पादन गरी स्वास्थ्य, सुरक्षित, मर्यादित र सुमधुर श्रम सम्बन्ध कायम गर्ने, श्रम क्षेत्रको उत्पादकत्व अभिबृद्धि गर्ने श्रम तथा रोजगार कार्यालयको प्रमुख उद्धेश्य हो ।

श्रम तथा रोजगार कार्यालय, टेकु, काठमाण्डौंबाट हुने मुख्य कार्यहरु देहाय बमोजिम छन्ः

• श्रम ऐन, २०७४ र श्रम नियमावली, २०७५ को कार्यान्वयन तथा अनुगमन गर्ने ।
• ट्रेड यूनियन ऐन, २०४९ र ट्रेड यूनियन नियमावली, २०५० को कार्यन्वयन तथा अनुगमन गर्ने l
• बालश्रम (निषेध तथा नियमित गर्ने) ऐन, २०५६ र बालश्रम निवारण सम्बन्धी राष्ट्रिय गुरुयोजना (२०७५-२०८५) को कार्यन्वयन तथा अनुगमन गर्ने l
• बोनस ऐन, २०३० को कार्यन्वयनको अवस्था अनुगमन गर्ने l
• आधिकारिक ट्रेड यूनियनको निर्वाचन सम्बन्धी कार्य गर्ने l
• प्रेसर भेसल, ब्वाइलर र अन्य मेसिनको निरीक्षण निरीक्षण गर्ने, संचालनको अनुमति पत्र दिने र सोको नवीकरण गर्ने l
• श्रमिक आपूर्तिकर्ताको इजाजतपत्रको दर्ता, नवीकरण र निरीक्षण गर्ने l
• प्रतिष्ठानस्तरको ट्रेड युनियन दर्ता, नवीकरण गर्ने
• कारखाना निरीक्षण, बालश्रम निरीक्षण, व्यवसायजन्य सुरक्षा तथा स्वास्थ्य निरीक्षण, श्रम अडिट निरीक्षण गर्ने l
• प्रतिष्ठानमा उत्पन्न भएको श्रम विवादको समाधान गर्ने l
• व्यक्तिगत दाबी उजुरी तथा सामूहिक दाबी उजुरी उपर श्रम ऐन, नियमावली अनुसार कारवाही गर्ने l
• व्यवस्थापक र कामदार कर्मचारीहरुको अन्य निवेदन उपर कारवाही गर्ने l
• सम्माननीय अदालत, मन्त्रालय तथा विभागको निर्देशन अनुसार कार्य गर्ने तथा माग गरिएको विवरण उपलब्ध गराउने l
• कार्यालय तथा कर्मचारी प्रशासन सम्बन्धी अन्य कार्य गर्ने l